هرّت القوّه

كيف بدّي مصيبتي ابلع

آخي طويله والوجع مقلع

من حالة الفيها صرت ممقوت

عا جيبتي العمله ضروري تفوت

ان كان منها حابي تطلع

منّي شعر ما بقلك استلمي

لليوم ما تحقق معي حلمي

كيف بدّي اوصفك ما زال

صارو الحروف يحرّفو الاقوال

ومتل الخلق ما بتطلع الكلمه

مسمّر بارضي والفكر سارح

وكل الجمعتو بالدني طارح

ايام عمري هاربه من الكون

وبيجوز ما اقشع عبكرا هون

ان كان بدّو يلحق مبارح 

تشرن خيالي وهرّت القوه

والحظ بعدو متل ما هوي

الكلمات صارو بالفكر جمهور

وتا ضل قاعد عا السكت مجبور

كل الحروف مقلله مروّه

ضلي معي ما بريدك تضيعي

منشان اشرحلك مواضيعي

ما قدرت حالي عن دروبك لمّ

وكلما مسحت وجهي بايدي بشمّ

ريحة سلامك بين صابيعي