قبل نوح

انا يا كون منك شو اجاني

احترقت وفيك ضيعني زماني

اسمحلي بعدما دقت المراره

ببريد الآخ ابعتلك اهانه

عنا شعب من نوع الحجاره

انوجد تعا يكون لعمار المباني

وعنا القال كلمه مستعاره

صار الفيلسوف الاولاني

وبخمر محبتي الكانو سكارى

وعليهم يشهد فراغ القناني

فيهم ما التقى درهم طهاره

وعملو من الكفر إلهم ديانه

وهني بيدعو بكتر الشطاره

وبكل مجال سقطو بامتحاني

كلما يغلطو ساعه الغيارى

بيجو تا يحاسبوني عالثواني

الصداقه سوق والمربح خساره

ولحالي قلت بتدحرج لساني

انا شو جابني بعصر التجاره

لازم قبل نوح بيوم اوصل

ما بعرف ليش اخرني زماني