منا يا رب الكون نجّينا
بسرعه انتهينا قبل ما بدينا
النقمه علينا بالولاده جات
شوية ارض يا ريتنا بقينا
بحقل الكفر عم نقطع مسافات
وما في حدا ايمان يعدينا
وتا نكون متل الناس خبريات
وتا نغيّر الحلاّس ما فينا
عنا الغنا بالمال مش كلمات
بتلحينها عاشت امانينا
ويا بو الزلف عنا بلا هيهات
وعا الاوف ما بتمشي قوافينا
والا لنا ما منبعت سلامات
خلف المدى اصحابنا نسينا
ومن كتر ما فينا التقى علاّت
اللعنات عم تلحق اسامينا
وبالمختصر عبّاد مصريات
قلنا الصلا ما عاد يعنينا
وضارب طنابو صار حب الذات
"مين قال" جينا عا الدني تا نصوم
نحنا تا ناكل بعضنا جينا
0 comments:
إرسال تعليق