با جايبه للحب تعتيرو
داوود عم يقرا مزاميرو
جو التفاهم لازمو ترتيب
تا نلحّم الواقع بقصديرو
شعرك الاسود صار بدو يشيب
والليل ما يعاود يستعيرو
شلحتي نظر خالي من التهذيب
والموقف مضيّع تدابيرو
نحنا الهدف عالارض ما منصيب
بيعدّنا الخالق قراقيرو
فينا بعد ما ينتهي التجريب
النا بيقول تراب بتصيرو
شاعر انا قبل الترم ما بغيب
نعش الزمن داقق مساميرو
عندي لكل مشاكلي اساليب
وعندي سمع للناس عم عيرو
لبيت المعنّى مركب مزاريب
وشعر النثر محلوق عا الزيرو
لا تسأليني منين شعر بجيب
لما الحروف بيطلعو عا البال
بلمح البصر كلمات بيصيرو
0 comments:
إرسال تعليق