قدِّك الميّاس

يا ناعمه المكتوب مش كافي

جايي بحضوري طلتك كافي

وبالشعر حتى كون بو النوّاس

جايب معي اوزان وقوافي

بينك وبيني خيال قمة فاس

وكلك لطافه ومرهمك شافي

وصوبك ما بيّن خلقتو الوسواس

وكلما التقينا بيعرضو كتافي

بالمختصر وحياة مار الياس

فيكي حياة الكيف منشافه

لا تتركيني بالهوى ايباس

بتتسجّل الآخات عا غلافي

حبي بحجم الكون ما لو قياس

قولي الي يعطيك العوافي

تا هون غني قدِّك الميّاس

ويساقبو شفافك على شفافي

ووقت اللي صارت خمرتي بالكاس

فات الصمت عالمنطق الدافي

ومن كتر ما بتمّي انرغى احساس

هونيك خلّوني عيوني شوف 

بلوزة قطر عا صدر الكنافه