غضب

عا ها الدني المن يَمّها مَنّي

عليها النفس ما بقيت رح دنّي

رح فل منها مع صياح الديك

قولي لعبكرا راح عا الهونيك

ان كان بدّو يسألك عني

عليي الف قانون عم  سنّو

وما في ضحك بيّن على سنّو

مبارح قبل ما لعند حالي جيت

كلامي زركتو بجيبتي ومشيت

صوب السكت تا انتقم منّو

حظي لأني ريق ما عطيتو

شفتر عليي وراح عا بيتو

ما قدرت صوبك اعمل مشاوير

ضاع الوقت مني عَلَى التفكير

ولحد هلق بعد ما لقيتو

اللي بيعرفوني بيعرفو اني

ما بعاشر العندو ربع إنّه

ماشي وزنودي نافخه الفارات

في ناس بشلحهم على الطرقات

وفي ناس هنّي بيوقعو منّي