اهربو يا ناس من درب الخطيه
لأنو كبرت وصارت صبيه
فينا الرب ما بعمرو تهنا
وعا طول الارض فينا مستحيه
ما فينا بالحكي نفلت رسننا
التفاهم صار باللهجه القويه
وما فينا نقول عم يغلا تمننا
لأنو اليوم صرنا بلا هويه
تا حتى نصير عالم ما تسنى
ببلدنا وبالبلاد الاجنبيه
بحسيده ومنفقه وكذب انعجننا
تا تبقى علامة الصفر على ميه
عَلـَـى ليلاه كلمن هون غنى
بوقاحه زايده وبسوء نيه
وعا سدني وصلت مشاكل وطننا
بدين ودين عملت مرجعيه
بحكم الواقع المنطق تدنى
وتا اقعد عا السكت ما عاد فيي
ضروري يعرفو احمد وحنا
انا ما بحب اكتب عن ديانه
لأنو الابجديه طائفيه
0 comments:
إرسال تعليق