هوني انا بلبنان "بضبيه"
ماشي ورا جنازة الفيه
وكلما الشمس تغزل خيوط النور
ترخي الحراره تقلها عليي
وشامخ قبالي بيتك المهجور
عا درب كانت تاكل جريي
ولافف عا خصرو زنبق ومنتور
وطالع عبالو يشوفك خطيي
عا مدخلو موجود حوش زهور
وتفاح ما بيسأل عن الحيه
وبركه جميله عا شكل بابور
فيها ولد بيفنتر مويي
وبوابة الكانت حياة السور
وتفتح الي من لهت ايديي
تخمين خاطر قلبها مكسور
بتفتح نتف وبتغلق شويه
وحيط اللي كان يزنر المعبور
بيقول دايخ روجو ليي
تزعزع كيانو والضهر مهدور
ولاقي عا جرن رخام لونو باج
كان بزمانو لكبة النيه.
0 comments:
إرسال تعليق