هلي لها ما عطيت ادراسي
عا شط ريقي خيالها راسي
لك كيف بقدر وقــِّـف الصرخات
زهّرو الهموم وعقـَّـدو الاخات
وبالعمر عم يكبر وجع راسي
وهوني انا ببلاد مش ليي
وكل المشاكل عايشه فيي
وكلما سمعت منها يا «ملكي» عقال
بيجدُل سكوتي عا السريع عقال
وبعمل لسان الحال كفِّيّه
قلتلها عا ايش منسندي
الايام سودا وحظنا هندي
ردت وقالت انت هلق وين
قلتلها بطوطح على الميلين
وهربان من اخر انا لعندي
المشوار صوبك واقف عليي
وحمل الحراره وقالب مويي
ومش بس انو الشوب بالميدان
خايف لا امشي عالدرب حفيان
ويطعوجو مسامير اجريي
قالت تعا من كونك لكوني
بتسحب عا كركة ملتقى لوني
قلت اللقا هونيك ما بيصير
حاطط بوكدي والعناد كبير
ركلج هونيك واعملو هوني
0 comments:
إرسال تعليق