يا اكلين وجودنا بريشو
وبتقلـّـعو الزعتر طرابيشو
ما همكم الا العتب واللوم
بلله اسألولي حالكم شي يوم
قدّيش بدكم بالدني تعيشو
يا ريت متل الخلق بتكونو
كبر العقل ما بتنفعو بدونو
بجاه السما والأرض دبّو الصوت
"قرش" الغني ما بياخد على الموت
بس الفقير بياخد ديونو
بالنار بدكم تنتهو انتو
وبقول ما زال الحكي زنتو
يا حاطين الشيش عا الطاووق
قديش بدكم تاكلو من حقوق
تا نقول انو بها الدني شبعتو
ضلو اركبو عا ضهر المعتر
تا يعيش عا الزيتون والزعتر
للمال انتو كتير جوعانين
ان كان معكم كومة ملايين
بيضل بدكم اكتر واكتر
قولو عبكرا رح تفل الروح
وتحت الارض بدو جسدنا يروح
بيوم الولاده ها الدني خسرتو
والموت قال بدمتي صرتو
وقالت جهنم بابها مفتوح
0 comments:
إرسال تعليق