الصفحات

ننشر في هذا الموقع أشعار الشاعر الكبير عصام ملكي

تيهر شرودي

سلوكك "هنا" ما استاهل الزقفه
وعز الحياة مطلّق الوقفه
تزوّج وجودي قطعتين غيار
وشهرين صرلي مهاجر الاشعار
التفكير منّو واقعه شقفه

الشرقي صرت عم اقشعو غربي
وصار العرق المتّلتو شَربه
ماشي عا وجهي والجنون فنون
وتا صير اعرف وين بدّي كون
جايب رمل تا إفقعو ضربه

حبّك ما عندو ايد ممدوده
والصبر فلّ وتيهر شرودي
ما لقيت عندك للعراوي زرار
من هيك لما نص عقلي طار
نكزت الهوى تا يحسّ بوجودي

ما ضلّ عندي من انا شويه
وختير سلام الحاملو بديّي
ولما التقينا قلت يخزي العين
نظرات نزلو بالارض شبرين
ونظرات دارو ضهرن عليي


0 comments:

إرسال تعليق