مبارح من بعد سكره الفصاحه
اعتنقت وللجهل جات الاطاحه
ولحوا جات مجنونه الشهيه
رحت بقبش عليها بكل ساحه
وبمطعم اجنبي كانت بهيه
وانا تولعت فيها بالصراحه
بهيه الاسم والخلقه بهيه
وعليها ما لفي درهم نصاحه
وكتر ما كبَّشت عالدرب فيي
مرقت عا بيتها تا شوف راحه
وكانت مرقتي متل الخطيه
وانا للكفر عامل استراحه
وصارت امها بالسوء نيه
بيني وبينها تعمل سياحه
هوني تفرَّجو وهوني وصيه
وما عادت «راحة» الحلقوم راحه
وبتاني يوم سألتني الصبيه
بعدما الوضع عملتلو جراحه
يا ملكي كيف شفت ماما عشيه
قلت ما شفت امك دخل امك
انا تعرفت عا حجار المساحه
0 comments:
إرسال تعليق