بلبنان لا يقولو تخاوينا
يقولو خنقنا حالنا بدينا
خربنا وطن حنا وحسن وحسين
ودينا على الحسنات مدينا
حصدنا الخساره وكيف الناعين
نحكي بنصر وتكسرو جرينا
بيجوز نحنا جيل بو ضرسين
وبيشهد علينا حوالينا
سنتين النا بالجدل سنتين
والحلحله قيراط ما عطينا
وصلنا لسن بسن عين بعين
وصوب الورا لبنان ردينا
منوين بدنا نشوف عين وزين
مات النظر جوات عينينا
وصعبه تا نعرف دربنا من وين
عا مفرق التفكير ضلّينا
نحنا ما جبنا بمعرفه صفرين
كل الصفوره بيركضو لينا
لقينا قطع نقدي وقطع بالدين
لاجسادنا ما بين هون وهون
لكن قطع للعقل ما لقينا
0 comments:
إرسال تعليق