صبحيه

جايي لعندك بالصبا مغلف

وحاطط حنين بقلب المغلف

وجايب شعر تا اطلق سراحو

وكلمة انا محسوبك مولف

شوفي النحل ما اسعد صباحو

بدو شذا وما حب يتكلف

وكلما سأل عن حجم ارباحو

يصير العبير مترجم محلف

جوّك بأيا وين مفتاحو

حالي تا اعرف مطرحو مكلف

خلي هموم الحب ينزاحو

وقولي قبل عالطاير تسلف

عيدي ليالي من العمر راحو

لساني حروف المرحبا تلف

وجوعي لكي عم يرعد صباحو

وكل الكلام الجوهري تجلف

لما جنوني عصفت رياحو

عندي كتاب بحبك تألف

قومي الغرام مشبق جناحو

عطر البنفسج بالهوا محرور

وزر الورد بيناغش المنتور

وفل استقام وزنبق مخلف