بكرا الخبز عالصاج لكنّي
ناطر تا لاقي ظروف تعجنّي
عنقود عمري صاير عماليش
وما في امل اني عا ذوقي عيش
الا اذا بهرّب انا مني
مع بعضها الاوضاع مختلفه
وبدها عليي توقع الكلفه
الصدفه عليها انطويت الصفحات
وبالارض كلما ازرع الفشخات
عم يطلع المشوار بالصدفه
الالهام عندي فَلّ من ذاتو
وكاس العرق ما شاف مازاتو
وما بقيت قادر بالمعاني طير
العقرب وقع من ساعة التفكير
وتكسّرو عالارض برماتو
ضعت بزمن مش مارق عليي
وما لقيت الا من أنا شويّه
صابيع ديي سافرو ترانزيت
وجايب عشر صابيع ديناميت
تا حطّهم بكفوف ايديي
0 comments:
إرسال تعليق