الصفحات

ننشر في هذا الموقع أشعار الشاعر الكبير عصام ملكي

شلح شروال

اجا عا العيد بو سالم يهنّي
وقلي لا بقا دخلك تغنّي
سألتو ليش تا غيّر مزاجو
وعا وزن الشعر قايم احتجاجو
قلي ما بقا حب القصايد
قلت ما زال غيّرت العوايد
انت وتقل دمك حلّ عنّي

الافندي ضارب على الناس غنجه
حسّب طابعو صاير برنجي
عا سدني الشاب هاجر من بلادو
لمّا مشاكلو بالكون زادو
الحرف ما كان عم يعرف اصولو
عمل استاذ لما هَوبرولو
وشلح شراول تا يلبس فرنجي

سدني بشعبنا مَنها غنيه
فيها الشعر صار بلا هويه
اللي كانو يطالعو نسيو القرايه
لانو صارت بدرب النهايه
وبيقولو احمد وبطرس وحنا
انعمل جناز لبيوت المعنى
وعبكرا اربعين الابجديه

وانا من جهتي شالح ورايي
الما بدو بالشعر يرفع لوايي
ويا طالب تعرف البيكون داير
هل بينمّرو مش عم بساير
بسوق عكاظ بيبيعو الضماير
ما عندن بالحياة مقام يسمو
هيدا جيل بو ضرسين اسمو
اذا بيكون رايح قول جايي

0 comments:

إرسال تعليق