لعندي تعي تا افرح بعيدي
وهم على همي لا بقا تزيدي
القبّان صارت بيضتو بمقلين
وخف الوزن شو بعد بتريدي
وعقل النظر بيخفّ بالعينين
كلما شلحتو بحكم تحديدي
وعندي وجع بالبطن يخزي العين
وكتف اليمين مفاصلو بعيده
وصعبه تا امشي من عدا عصاتين
كلمة بطل ما بريدك تعيدي
كلما التعب يطلع من الاجرين
بفوّت مشي تا يخف تنهيدي
وحضرة وجع صدري الو يومين
ورخوه الضلوع وسعلتي شديده
وقلة سمع جايي من الدينين
وحده عتيقه وتانيه جديده
وصعبه بحجر تا صيب عصفورين
وقول لشي آخ من الدرب حيدي
من يم صرخه بتمغط وآخين
زرت الحكيم وبعد اخد ورد
قلي الوجع بالراس من ايدي
0 comments:
إرسال تعليق