شاحط مصيري والضغط عالي
وعريان عم البس شغل بالي
سايرت حالي وصرت اتحيّر
ومن بعد ما وجه الحكي تغيّر
بضجة سكوت نقلت من حالي
ليلي طويل وأقطش نهاري
وطلعِت عا درجة آخ اخباري
حظي هجرني والغرام خوات
وما في طريق تسوكر مسافات
تا يدخّن على الارض مشواري
قد المضى من العمر مش باقي
وصارت بحجم الهم اشواقي
ومش بس بغرق بالدمع وبعوم
عم ضل لاقي راحة الحلقوم
وراحة فكر ما بقيت عم لاقي
منّي نصيحه بايدك استلمي
من المستحيل تفسّري حلمي
عنك ما بقدر اطلع بتقرير
من كتر مَنّو مطعوَج التفكير
متل الخلق ما بتطلع الكلمه
0 comments:
إرسال تعليق