حي وميت

هوني انا الصرعات عم حييّ

وضجران ومضجّر حواليي

واقع بضيقه متلها ما لقيت

ويمكن مزادي يوقع عليي

ما قدرت اطلع من تياب البيت

لما قلت يا همّتي تهيي

وبالرغم اني للوجع غنّيت

ماقدرت سفّر آخ يا بيي

يوم الاحد تا ينتهي تمنيت

واقف عا دنبو وقفة الحيّه

ويوم التنين من الأنا انسميّت

خلّى الغضب صارخ بعينيي

ويوم التلاته ما قدرت هدّيت

منو هرب عالاربعا شويّه

والاربعا طلوع الفجر جنيت

وكنت هلكت لو ما ركضت ليي

وهلق انا ما بين حي وميت

ماشي ورايي وشاحط جريي

ما بقيت عم اقشع حدا ما بقيت

اول مبارح اربع سلامات

شلحتن لأنو عفّنو بديّي