قماشي فركها وموقفي تعتر
وصار العري من ملابسي اكتر
بدي شي صدفه من الارض تنلم
حتى بورقة تين اتستر
لحالي ما بقدر بالضغط انضم
بساعة وصولي العقرب محفتر
وما في عطر بجنينتي ينشم
وعا الارض شالح ريحتو الزعتر
خالي عذابي بالحياة وعم
وبتضل عندي المشكله عنتر
وتا التقي فيي لهلق عم
شد العزيمه واللقا مشفتر
من كتر مَو حظي تقيل الدم
كلما اجاني بيطلع منتّر
بضحكة قدر بدّي الغضب ينطم
وجودي يا دلي بحالتي استهتر
بدي طريقه تشيلني من الهم
بيضل عندي الجو متوتر
من كتر ما مني صرت منسم
الدفتر بايدي والقلم خيال
وسجّلت حالي نحس بالدفتر
0 comments:
إرسال تعليق