يا مشوّهه خلقة مواعيدي
صفوف الفجر عا بيتنا عيدي
جايب ابانا والذي من الدير
وعم ركلج بتمّي صباح الخير
واعطي دروس مصافحه لإيدي
وبالكبريا لو عرضت كتافِك
بإبرة مصيري بينلقط زافك
معناتها لما بتجي بكّير
دغري عا جمر الصبر ركوه بصير
تا تلقّميني بقهوة شفافك
ولمّا الحديث بيكشف الغايه
بشوفك الي عالارض توصايه
وتا صير عنك بالهوى مسؤول
بلبس خواتم شعرك المهدول
بصابيع فوقك رايحه وجايي
ولما الضغط بيصير يتعلّى
ببلش زمام الامر اتولي
ومن دون ما انطر صياح الديك
بغيّر نظام الجسم بالتدليك
ومن بعدها بقول باذن الله
0 comments:
إرسال تعليق