يا شفّتي ها الكاس مش كاسي
فاضي حرقلي دين انفاسي
منو خرج تا يرتّب الاحوال
بقلبة شفافو حرام تنباسي
همومي لأنو عم يربّو عيال
اول مبارح ضاع احساسي
وصدري لآخي غرفة استقبال
لكن بعد مش حاطط كراسي
ونقص العزيمه رسمل البلبال
وما في فرح يطلع على قياسي
وعندي جسر صاير يمينو شمال
وليل ونهار بيلمعو ضراسي
وبالضهر شكه معرقله الاعمال
وقديش الها مجنّسه ناسي
والسكري مني ما عم ينشال
وبيضل شامط طول وسواسي
ومن كتر ما عندي وجع بالبال
صارت يا ولدي ضايعه الطاسه
وما في خيال يطلّع الموّال
الهم عْلى قلبي زوّج العنات
وبيروح وبيرجع وجع راسي
0 comments:
إرسال تعليق