راح الحلا

فلّي تا اقدر عيّد بعيدي

وصفّ القُبل لا تجرّبي تعيدي

حطّ الكَبر عا بشرتك لونين

وقلتي الو بأمرك انا سيدي

مش بس وزنك صار قد تنين

كل يوم كيلو ونص بتزيدي

وجايي عبكرا تطُوطُح الميلين

يقلك نُصح قدّيش بتريدي

اسملله عليكي خدودك رغيفين

ما تعرّفو عليهم زواويدي

وكتفك بعد ما كان عين بعين

قاشط عا ميل وميل تقليدي

ومتل الصواني بيّنو الدينين

والانف صارت موضتو جديده

فيكي بعطسه تشنكحي طيرين

منهم اذا كنتي بتستفيدي

ومش بس صرتي مفزَّعه العينين

وصرتي بشَوب العمر برّيدي

راح الحلا منك عا مدري لوين

وما زال ما عندك حبق ينشمّ

ان مدّيت ايدي تنكسر ايدي