بيتي انا مش هون يا فلانه
رايح من الهونيك عنواني
شوفي عا وجهي من الوهم اجناس
وبالكاس عم ساير غياب الناس
ومليان بين فراغ القناني
معلق مسيري برقبة جريي
ومضيع بخلقة حواليي
همزة وصل لمواقفي ما لقيت
وكيف بدي اوصل على البيت
وما في درب عم تمرق عليي
بدورة حياتي ما انقبض قرشي
والكيل طافح والدني ورشه
مطير صوابي بجانحو وسكران
وحيطان عم تمشي معي وحيطان
ساعه ما بقعد بس عم تمشي
وهلق ورايي شاحطو بكتفي
وباقي الي من همتي نتفه
عا الارض يمكن روح زق سطيح
في عين مش عم شوف فيها مليح
وفي عين يمكن زرّها مطفي
0 comments:
إرسال تعليق