لولو

لمّي عيوني من الارض لمّي

عا البيض ماشي بمأتم الهمه

حبك ربيع بأربع فصولو

بيضل فيكي حالك تشمّي

شوفي الاجا عا جمع محصولو

كنو الفتح والكسر بتضمّي

تا يختم عليكي ورق بولو

كلما طلع عا بالك تضمّي

بالعتم جايي وشمعتو طولو

عندو مهمه يشوفك مهمه

لازم لقاكي يدوب معمولو

بلا نفس كلمة مرحبا مسمي

عيونك بجوي لازم يجولو

كرمال عينيك زعلت امي

وبرجع بقلك هون يا لولو

من منطق الوجدان والدمّه

انتي قصيدة حب عا اصولو

امي ربوع العاشقك امي

عجزك وصدرك شوف بيقولو

لكن انا بقشع بهمس ولمس

ومش بس اخوت بالهوى امي